پنجاب اردو اکیڈمی,مالیرکوٹلہ کے اغراض و مقاصد
اردو زبان کی ترویج و ترقّی کیلئے تشکیل دی گئی رجسٹرڈ سوسائٹی کے طور پر پنجاب اردو اکیڈمی,مالیرکوٹلہ کے اغراض و مقاصد درج ذیل ہیں:
- صوبے میں اردو زبان وادب کے مطالعہ کو ترغیب وتحریک دینا۔
- تحقیقی و تخلیقی ادب کو تقویت دینا۔
- معیاری کتابوں اور میگزینوں کی اشاعت کرنا۔
- سیمیناروں, کانفرنسوں اور نشتوں کا انعقادکرنا۔
- دیگر زبانوں کی بہترین تخلیقات کو اردو میں (فارسی رسم الخط) اور اردو کے عمدہ فن پاروں کے دوسری زبانوں میں ترجمے اور تبدّل رسم الخط کا اہتمام کرنا۔
- اردو زبان کے ان قلمکاروں کو فیلو شپ (وظائف) سے نوازنا جنہوں نے کسی خاص ادبی میدان میں خاطر خواہ کارنامے انجام دیے ہیں۔
- غیر مُساعد حالات میں خدمات انجام دینے والے ادیبوں کی مالی اعانت کرنا۔
- اردو ادب کی اشاعت اور فروخت کو فروغ دینا۔
- معیاری اردو ادب کا انعام و اکرام کرنا۔
- اردو زبان و ادب کی درس و تدریس کا انتظام کرنا۔
- اردو فاصلاتی کورسز کی شروعات کرنا۔
- اردو کے ممتازاور مستحق ادیبوں کو پینشن دینا۔
- اردو مصنّفین کی غیر مطبوعہ تصانیف کی اشاعت کےلیےمالی تعاون دینا۔
- عمدہ تخلیقات اور بہترین اشاعت کا انعام و اکرام کرنا۔
- سال کے بہترین ادب کو مرتّب کرنا۔
- صوبے میں مرکزی اردو لائبریری قائم کرنا۔
- اردو اکیڈمی کے نظم و نسق کو بہتر طور پر چلانے کےلیےخصوصی کمیٹیاں قائم کرنا۔
- ان اداروں کی معاونت یا تعاون کرنا جن کے اغراض ومقاصد پنجاب اردو اکیڈمی کے کامو ں سے موافقت و مناسبت رکھتے ہوں۔
- ان تما کاموں کو سر انجام دینا جن سے اردو اکیڈمی متفق ہو تاکہ اردو زبان وادب کی ترقّی کے مندرجہ بالا مقاصد کو بحسن و خوبی حاصل کیا جاسکے۔
- اردو کی ترویج و ترقّی سے متعلق ہر طرح کے عملی اقدامات کرنا۔
